Відэанататкі па размнажэнню ваўкоў у Налібоцкай пушчы ў 2021 годзе

Сааўтар Ірына Ратэнка

З траўня па снежань ужо мінулага году з дапамогай фотапастак мы адсочвалі размнажэнне ваўкоў на бадай што палове Налібоцкай пушчы на плошчы каля адной тысячы квадратовых кілямэтраў. Першапачаткова ў траўні было вызначана шэсць воўчых кодлаў у асноўным у норных логвішчах. Гэтыя шэсць воўчых кодлаў цалкам налічвалі 35-40 ваўчанят. Ваўчаняты штомесяц хутка зьнікалі, загінуўшы. У сярэдіне ліпеня заставалася 15 ваўчанят у трох кодлах: 2, 8 ды й 5. Да верасьня дажылі толькі 4 ваўчані з аднаго кодла. Зь іх да канца года дажыла толькі адно ваўчо.

Што зь імі здарылася даведацца было цяжка. Адно зь іх у складзе 6 ваўчанят у норным логвішчы дакладна было забіта мядзьведзем, на што мы маем асобны відэазапіс. Маем нейкія падставы казаць, што астатнія ваўчаняты былі затаптаны зубрамі, быкамі высакароднага аленя, ласямі, ды й забіты рысямі.

То бок каму жывецца ў Налібоцкай пушчы цяжэй за ўсіх - то гэта ваўкам.