Сааўтар Ірына Ратэнка
Мінулым летам у Налібоцкай пушчы нам удалося зафільмаваць даволі шмат відэаматэрыялаў з жыцьця складанай воўчай, якая складалася з басера (то бок дарослы самец, бацька), двух вайдэр (матак), адпаведна двух іхніх кодлаў ды адной падпарадкаванай ваўчыцы-нянькі. Першапачаткова разам у тых кодлах было каля пятнаццаці ваўчанят, але к верасьню ў выніку таго што бальшыня ваўчанят, як тое звычайна, загінула, іх засталося толькі пяцёра.
Мейсца адстою ваўчанят было выбрана бацькоўскімі ваўкамі на адлегласьці ўсяго з кілямэтр ад першапачатковых логвішчаў. Абедзьве вайдэры ў якасьці першапачатковага логвішча мелі самакопныя норы і нарадзілі яны цягам адной і той жа дэкады напрыканцы красавіка. Адлегласьць паміж тымі логвішчамі гэтых воўчых матак была каля 600 мэтраў. Ніжэй пасьля відэа пададзены фота першапачатковых логвішчаў у выглядзе самакопных нор.
Першапачатковыя норныя логвішча двух воўчых матак.
Comments