Экасядзіба Навусць

Сябры, вітаем! Мы — заолагі і жыхары хутара ў Налібоцкай пушчы. Тут мы жывём, даследуем і запрашаем вас пабыць часткай гэтага. Да нас можна прыехаць на побыт або далучыцца да мікравыправы ў пушчу.

Пасобствы

Дзе мы знаходзімся

ПОБЫТ НА СЯДЗІБЕ

Наша сядзіба знаходзіцца ў сяродку пушчы. Гэта простая, прасторная хата, у якой лёгка дыхаць і кожны знойдзе свой утульны кут. Тут ёсць усё, што патрэбна, каб адпачыць, пераначаваць і ўвайсці ў рытм лесу.

Прасторная кухня-сталоўка абсталяваная электрапліткай, мікрахвалёвай печчу, пасудамыечнай машынай, лядоўняй.

Ёсць душ з гарачай вадой, туалет, ручнікі, невялікая лазня.

Сядзіба можа прыняць да 6 чалавек. Асноўны пакой мае двуспальны ложак, працоўны стол, печ з агменам. На мансардным паверсе размешчаны матрасы як дадатковыя спальныя мейсцы.

Ва ўсім доме дасягальна бясплатнае падключэнне да Wi-Fi

Мы маем невялікую ферму і прапануем сняданкі са свойскіх прадуктаў.

Наша сядзіба знаходзіцца на хутары, што ў самым сэрцы Налібоцкай пушчы (100 км ад Менска).

Побач цячэ рэчка Волька, у 3 км па лясной дарозе - утульнае лясное азярко Вока й пушча ва ўсе накірункі.

МІКРАВЫПРАВЫ Ў ПУШЧУ

Мы не робім экскурсій у звыклым сэнсе. Лес для нас не дэкарацыя і не атракцыён. Гэта наш лад жыцця, і мы стараемся не перашкаджаць таму, што адбываецца само па сабе.

Кожная ездка атрымліваецца адрознай — лес і жыццё ў ім зменлівыя. Мы не гарантуем пэўных сустрэч, але абяцаем зрабіць усё магчымае, каб паказаць як мага больш з таго, што адбываецца ў пушчы цяпер.

Як праходзіць мікравыправа

Кожная выправа індывідуальная: мы ўлічваем тэмп, інтарэсы, фізічныя магчымасці і настрой гасцей. Хтосьці хоча больш назіраць, хтосьці — хадзіць, хтосьці — слухаць. Мы таксама арыентуемся на надвор’е, сезон і тое, што цяпер адбываецца ў лесе, бо пушча кожны дзень іншая. Мы не вядзём групы “па праграме”, мы вядзём людзей у лес так, як павялі б сяброў.

Фарматы мікравыпраў

назіральны: выезд на самаходзе з мэтай убачыць звера + праход пешшу ў нетравае, чымсьці адметнае месца;

даследчы: тропы, адзнакі дзейнасці сысуноў, месцы актыўнасці драпежнікаў, усталёўка і праверка фотапастак.

Сезонныя магчымасці

круглы год — выезд на самаходзе + праходы пешшу;
зіма — праход па даліне малой ракі на іртах або пешшу;
вясна, лета — сплаў на байдарцы.

Працягласць

Звычайная мікравыправа займае каля 6 гадзін. Час залежыць ад сезона, умоў і вашых сіл.

Кошт

Звычайныя экскурсіі — 300 рублёў для 1–4 чалавек.

Даследчая мікравыправа — 100 рублёў з чалавека.

Кошты на іншыя сезонныя фарматы абмяркоўваюцца індывідуальна.

Што важна

Найлепш прыязджаць на выправу з побытам на сядзібе: гэта дазваляе абмеркаваць усе дэталі загадзя, улічыць пажаданні і пачаць выправу натуральна, без спешкі.

Можна прыехаць толькі на экскурсію альбо толькі адпачыць на сядзібе. Да нас прыязджаюць не па камфорт, а па новы досвед і магчымасць убачыць іншы свет.