• Vadim Sidorovich

Веснавая палавень у Налібоцкай пушчы

Звычайна развой веснавой палавені, або паводкі залежыць ад воднасьці накопленага за зіму сьнегу й ад таго як хутка гэты сьнег таіць. Калі напрадвесьні раптоўна надышло значнае цяпло, і цёпла значным цягам, то на рэчках будзе палавень. Калі пад час асноўнага сьнегатаяньня ўдзень цёпла, а ўначы падмярзае, а яшчэ горш, калі й удзень стала марозіць, то палавень будзе меншай. Воднасьць сьнегавога покрыва пры аднолькавай ягонай глыбіні залежыць ад таго наколькі яно ўшчыльнілася пад час зімовых адліг. Плашчэня рэльефу асабліва ў раскошных нізінах кшталту Налібоцкай пушчы спрыяе ўтварэньню палавені й яе працягласьці.


Напрадвесьні ў Налібоцкай пушчы рысы палавені, якая будзе неўзабаве, перш за ўсё відаць на дарогах і багенных лагчынах.

Паступова набрыняюць талаю вадою рэчкі, якія становяцца ня здольны выносіць усю нацеклую ваду з рэчышча і даліны.

Вада ўсё дадаецца, яна затапляе ўсю лагчынную частку рачной даліны, што яшчэ завецца абалоньню або поплавам. Паводка будзе стаяць, пакуль прыбылая вада не сьцягнецца рэчкаю. Тады водны паток зноў увойдзе ў рэчышча, або як яшчэ кажуць у трубу.



46 views0 comments

© 2018-2021 by Irina Rotenko & Vadim Sidorovich. All photographs appearing in the site are the exclusive property of their owners and may not be copied or used in any way without the authors' permission.