top of page
  • Writer's pictureVadim Sidorovich

Ваўкі адганялі мядзведзя ад сваіх ваўчанят

Сааўтар Ірына Ратэнка


Нядаўна нам пашанцавала зафільмаваць сутычку паркі бацькоўскіх ваўкоў і мядзьведзя. Той мядзьведзь быў сярэдніх памераў, а басер (бацька-воўк) быў вельмі вялікі. Ваўкі адганялі мядзьведзя, які ўтруціўся ў іхняе хатняе мейсца, дзе знаходзіліся пяцёра ваўчанят. На відэа не відаць бойкі, а толькі паказваецца, як ваўкі пасоўваюць таго мядзьведзя ўзад. Адылі, каля трыццаці мэтраў да таго мейсца і каля дваццаці мэтраў апасьля яны насамрэч біліся, аб чым сьведчыць узрушаная лясная подсцілка ды жмуткі поўсьці абодвух гатункаў. У момант фільмаваньня ваўчаняты знаходзіліся ў 460 мэтрах ад мейсца фільмаваньня. Пасьля той сутычкі з мядзьведзем радзіна ваўкоў сыйшла з таго мейсца на адлегласьць амаль два кілямэтры.



Гэта ўжо трэці задакумэнтаваны намі выпадак узаемнай агрэсіі ваўкоў і мядзьведзя ў Налібоцкай пушчы. Мяркуецца, што пераможца ў гэтакай сутычцы вызначаецца некалькімі чыньнікамі як тое: моц мядзьведзя; моц і колькасьць дарослых ваўкоў, што мае ўдзел у бойцы; а таксама досьвед гэтакіх боек дагэтуль.

81 views0 comments

Comments


bottom of page